Andrew Poolman

Die Hino Valke se oorwinning met 66-5 teen die Windhoek Draught Welwitschias behoort nie as ’n buitengewone skok te kom vir rugbykykers wat ’n mate van perspektief behou nie.
Die boodskap dat die plaaslike Namibiese amateurspelers meer sal moet doen om op ’n kompeterende vlak met voltydse beroepspelers te kom, is lankal duidelik en word nie betwis nie.
’n Beduidende deel van die Welwitschias se string van nege opeenvolgende nederlae is egter reeds voor die begin van die provinsiale reeks daaraan afgeskryf dat Namibië bykans as ’n soort “nuweling” terug verwelkom word en dat geduld nodig sal wees om weer ’n gedugte eenheid op te bou soos wat rugbykenners reken die land in staat is.
Hoeveel van die huidige reeks loesings hoort egter voor die deur van die administrateurs wat in die “afseisoen” voete gesleep het om die afrigters en ander nodige personeel aan te stel? Die vrugte word gepluk vir die slaplê tydens die ou tradisionele Namibiese “afseisoen” – terwyl opponente in die “voorseisoen” die harde werk doen om kondisionering en vaardighede op te skerp.
Die Valke het met flinke samespel die gapings in die Namibiese verdediging ontbloot om ’n oortuigende oorwinning te behaal nadat die tuisspan op Kemptonpark rustyd met 35-5 voorgeloop het.
Met die bietjie balbesit tot hul beskikking het Francois Wiese en sy manne ondernemend probeer speel, maar die Valke het sake só oorheers dat die Namibiërs drie keer soveel duikslae as hul opponente moes uitvoer. Verdediging en die vaste fasette bly van die mees kwesbare aspekte van die Namibiese spel – soos tien drieë teen een getuig.
Ligpunte vir afrigter John Williams was die hoë werkvermoë wat spelers soos die nuweling-haker Dewald Coetzee en flank Morné Blom gehandhaaf het om die skoene vol te staan van die senior manne wat in Roemenië toer.
’n Drie net voor rustyd deur senter Lesley Klim was uiteindelik die Namibiërs se enigste beloning. Dit was nadat skrumskakel JC Winkler ’n tikskop geneem en Wiese sy sentermaat deur ’n klein gapinkie gestuur het.
Die reserwe-losskakel Shaun Kaizemi is in die tweede helfte op ’n draagbaar van die veld en het glo steke aan ’n beenwond gekry.
Die Valke se driedrukkers was agtsteman Reg Muller (3), vleuels Ettiene Taljaard en Carlyle Hendricks, senter Andries Truter (2), plaasvervanger Andrew van Wyk, slot Marlyn Williams en losskakel Karlo Aspeling. Doelskoppe het van Aspeling (7) en Truter gekom.
• Komende naweek is die Namibiërs terug op hul tuisveld vir ’n botsing teen die SWD Arende, wat Saterdag met 39-22 teen die Grens Bulldogs aan die wenkant was. Die Arende (negende) is selfs ’n bietjie beter geplaas as die Valke, wat nou 11de is.
• Laas naweek se ander uitslae:
Xerox Goue Leeuss 52-37 Griekwas; SWD Arende 39-22 Grens Bulldogs; Vodacom Blou Bulle 22-18 Cell C Haaie XV.

NASIEBEKER
Namibië se toetsspan kom vandag in Boekarest teen Spanje in sy tweede wedstryd van die Wêreldrugby Nasiebeker te staan.
Afrigter Phil Davies se span wat vandag om 16:00 (Namibiese tyd) uitdraf, was gister teen druktyd nog nie bekend nie. Regstreekse videostroom van die wedstryd sal na verwagting weer op Rugbytv.ro beskikbaar wees.
Die Namibiërs het Donderdag met 20-8 teen Roemenië verloor.

Von Olaf Mueller,
Windhoek/Johannesburg
Die namibische Rugby-Auswahl konnte auch im achten von neun Spielen im Currie Cup nicht punkten. Erschwerend für Trainer John Williams war die Tatsache, dass er einen Großteil des Kaders ersetzen musste. Grund war der Auftritt der Windhoek Draught Welwitschias beim Nations Cup in Rumänien.
Diese hatten am Donnerstag das Auftaktspiel gegen die Gastgeber mit 8:20 verloren und spielen heute in Bukarest um 17 Uhr gegen Spanien.
Die neu zusammengestellte Mannschaft war den Falken am Samstag im Barnard-Stadion im Kempton Park, Johannesburg klar unterlegen. Insgesamt zehn Mal legten die Gastgeber das Ei hinter der Mallinie der Windhoek Draught Welwitschias ab. Den einzigen gültigen Versuch gelang der Williams Truppe kurz vor der Halbzeit zum Zwischenstand von 35:5. Am Ende punkteten die Valke 66 mal.
Bereits nach sieben Minuten überrumpelte Reg Muller die Abwehr der Welwitschias. Reg Muller war an diesem Nachmittag bester Spieler mit insgesamt drei Tries. Karlo Aspeling, der insgesamt sieben mal den Kick zu den Extrapunkten verwandelte, sicherte die zwei zusätzlichen Zähler
Bereits zehn Minuten später war es der Flügelspieler Ettiene Taljaard, der den Spielstand auf 12:0 erhöhte Aspeling punktete erneut. Nach dreißig Minuten war er erneut an einem Try beteiligt. Sein Pass auf Carlyle Hendricks brachte die nächsten Punkte zum 19:0 ein. Wiederum Aspeling stellte die 21:0 Führung her.
Kurze Zeit später legte Andries Truter das Ei hinter der Mallinie ab. Mit den Bonuspunkten einem weiteren Try von Muller in der 36. Minute bauten die Falken die Führung zur Pause komfortabel auf 35:0 aus.
Den Schlusspunkt und auch die einzige zählbare Aktion des Spiels für die Welwitschias setzte Lesley Klim als der Center das Ei kurz vor dem Halbzeitpfiff hinter der Mallinie der Valkens ablegte.
Die zweite Hälfte begann ähnlich wie auch die erste angefangen hatte. Die Valke dominierten das Spiel und der eingewechselte Andrew van Wyk setzte die ersten Akzente in der 45. Minute der zweiten Hälfte Marlyn Williams, Aspeling, Muller und Truter sorgten für die weiteren Punkte des Teams aus dem Kempton Park und dem 66:5 Endstand.
Damit kletterten die Hino Valke auf den 13. Tabellenplatz In den weiteren drei Partien des zehnten Spieltags, trat unter anderem der Tabellenführer, die ORC Griquas bei den Xerox Golden Lions an. Die Girquas verpassten es die Tabellenführung weiter auszubauen und verloren gegen die Löwen ungewöhnlich hoch mit 52:37. Die direkten Verfolger hatten Spielfrei. Das direkte Tabellennachbar Duell entschieden die SWD Eagles mit 39:22 gegen die Border Bulldogs für sich. Damit bleiben die Eagles punktgleich mit den Bulldogs auf dem neunten Platz, haben aber ein Spiel weniger als die Bulldoggen absolviert.
In der vierten Partie des Spieltags standen sich der Tabellen-Zwölfte, die Cell C Sharks, und der dreizehnte, die Vodacom Blue Bulls gegenüber Die Bullen gewannen ihr Heimspiel mit 22:18 und schlossen damit auf die Sharks auf.
Für die Windhoek Draught Welwitschias geht es bereits am kommenden Wochenende weiter. Dann empfängt das Team von John Williams die Eagles im Hage-Geingob-Stadion. Anstoß ist um 14 Uhr.

Andrew Poolman - Met ’n drie in die laaste minuut voor die eindfluitjie het regtervleuel Russell van Wyk van skurk na held verander in die Namibiese rugbyspan se dramatiese oorwinning met 34-32 teen Spanje gister op die tweede wedstryddag van die Wêreldrugby Nasiebekertoernooi in Boekarest, Roemenië.
Van Wyk het in die eerste helfte ’n bal skaars ’n meter voor die doellyn aangeslaan ná ’n rolskop deur losskakel Theuns Kotzé.
Ná vier verloorwedstryde by die 2015 Wêreldbeker en nog een verlede week teen Roemenië, is die smaak van sukses baie welkom vir Namibiese rugby-ondersteuners.
Die bordjies is in die proses ook verhang teen Spanje, wat in die laaste drie ontmoetings sedert 2010 koning gekraai het ná Namibië se enigste vorige oorwinning in 1991.
Flank Tinus du Plessis en skrumskakel Eugene Jantjies (van die reserwebank) het ook elkeen in hul 50ste toets uitgedraf om die nasionale rekord te ewenaar wat deur die stut Johnnie Redelinghuys gehou word.
Gister moes die Namibiërs ’n agterstand van 24-8 (twee verdoelde drieë) in die laaste 38 minute inhaal, maar met ’n koelkop Theuns Kotzé as die generaal is die oorwinning uit die kake van ’n nederlaag gered.
Namibië was eerste op die telbord danksy buitesenter JC Greyling se onderskepdrie ná nege minute. Op ’n nat veld het beide spanne soms gesukkel om die hanteerfoute te beperk.
Spanje het eers ’n drie met ’n lynstaan-rolmaal op die telbord geplaas, voordat dieselfde resep hulle ’n strafdrie in die sak gebring het om rustyd met 16-8 voor te loop.
Binne sekondes ná die hervatting vir die tweede helfte is vleuel Gino Wilson koelkas toe gestuur omdat hy in sy mededinging om die afskop in die lug oortree het.
In die tweede helfte het die slot Janco Venter, losskakel Theuns Kotzé en in die 80ste minuut vleuel Russell van Wyk die drieë gaan druk.
Kotzé het sy 100% skoprekord vir die toernooi gehandhaaf met vier doelskoppe en ’n strafdoel van twee punte, wat die verskil tussen die spanne was.
Die Namibiërs sluit Saterdag hul toernooi teen die Ontluikende Italianers af, wat gister ’n taai wedstryd teen die Argentynse A-span met 30-40 verloor het.
In die hoofwedstryd gisteraand het weerlig en donderweer die spelers om veiligheidsredes vir ’n lang tyd van die veld af gedwing. Die gasheerspan Roemenië was in daardie stadium met 18-0 voor teen Uruguay.

Von Olaf Mueller, Windhoek/Bukarest

Denkbar knapp verlief am Montag die Partie zwischen den Spaniern und der namibischen Rugby-Auswahl. Am Ende hatten die Welwitschias beim 34:32 das glücklichere Händchen. Mit einem Last-Minute-Try schaffte Russel Van Wyk den Ausgleich. Theuns Kotze sorgte dann mit den Bonuspunkten für den Sieg der Mannschaft von Chefcoach Phil Davies.

Dabei hatte es für die Welwitschias erst gar nicht gut ausgesehen. Die „Los Leones“, wie sich das spanische Team nennt, hatten zum Anfang der zweiten Halbzeit noch mit 24:8 vorne gelegen. Dann startete die Aufholjagd der namibischen Auswahl, bis es kurz vor Abpfiff 32:26 für die Spanier gestanden hatte. Mit dem Try von van Wyk und den Bonuspunkten durch Kotze siegten die Welwitschias zum ersten Mal seit fünf Jahren wieder im Nations Cup. Zum Auftakt hatte es gegen den Gastgeber Rumänien eine 8:22-Niederlage gegeben (AZ berichtete). Namibias Johan Corné Greyling war der Erste, der sich auf der Anzeigentafel mit Punkten verewigte. Die Welwitschias starteten mit enormem Druck auf die Spanier in die Partie, doch die Führung hatte leider nur drei Minuten Bestand. Spaniens José Luis del Valle sorgte mit seinem gültigen Versuch für die Egalisierung des Ergebnisses. Beide Teams veredelten die Tries mit den Bonuspunkten, sodass es 8:8 stand.

Der Spielstand währte bis zur 24. Minute, als den Spaniern ein Strafversuch zugesprochen wurde. Das 16:8 der Löwen war gleichzeitig der Pausenstand. Kurz nach Wiederanpfiff musste Namibias Flügelspieler Gino Wilson eine Strafzeit absitzen, was prompt von den Spaniern ausgenutzt wurde.
Facundo Munilla sorgte für den dritten Try der Los Leones die damit auf 24:8 davonzogen. Sergi Aubanell sicherte die Bonuspunkte.

Als dann heftiger Regen einsetzte, schien sich das zum Vorteil der Welwitschias zu gestalten, die wieder mehr Druck ausübten. In der 51. Minute wurde Spaniens Fernando Martin Lopez zum Sitzen verbannt, diesmal bestraft durch Namibias Janco Venter. Kotze komplettierte die Punkteausbeute gleich zweimal, da er kurze Zeit später auch seinen eigenen Versuch veredelte. Damit hatten die Welwitschias ausgeglichen.

Kotze war auch derjenige, der die Davies-Truppe mit einem verwandelten Strafstoß nach rund 60 Minuten in Führung brachte. Doch die Spanier gaben nicht auf und mit dem Try durch Aubanell sah es so aus, dass die Löwen dieses Match gewinnen würden.

Doch dann kam der Auftritt der beiden Spieler des Abends. Kotze kickte das Ei in Richtung van Wyks, der in der Nachspielzeit den Ausgleich zum 32:32 erzielte. Kotze selbst machte dann alles klar.In einer weiteren Partie setzten sich die Argentinier gegen ein italienisches Perspektivteam mit 40:30 durch. Beim Duell zwischen Gastgeber Rumänien und der Mannschaft aus Uruguay kam es zum Spielabbruch. Die Eichen hatten vor heimischer Kulisse bereits 18:0 geführt, bevor schwere Regenfälle und starker Sturm den Schiedsrichter noch vor dem Pausentee dazu bewogen, die Begegnung abzupfeifen. Das Spiel wurde danach nicht mehr fortgesetzt. Für die Welwitschias geht es am kommenden Samstag um 16 Uhr weiter. Dann trifft die Mannschaft von Davies auf das Team aus Italien. In der Wertung der Gruppe A stehen die Welwitschias mit einem Sieg und einer Niederlage auf dem zweiten Rang – hinter den Argentiniern, die bereits zweimal gewonnen haben.

Dit sal uithaal en wys kos, maar Renaldo Bothma en sy Namibiese rugbyspan kan dalk die Wêreldrugby Nasiebekertoernooi in ’n respektabele derde plek of selfs tweede afsluit.
Die Namibiërs draf môre om 18:00 plaaslike tyd (16:00 in Namibië se wintertyd) in Boekarest, Roemenië in hul laaste wedstryd teen die Ontluikende Italië-span op die veld.
Die kampioenskap sal waarskynlik in die daaropvolgende wedstryd bepaal word, tussen die gasheerspan (nege ligapunte) en Argentinië-A (tien punte).
Danksy die vyf punte wat Namibië met sy dramatiese oorwinning van 34-32 Maandag teen Spanje ingeoes het, het die Afrikane reeds beter presteer as in verlede jaar se wenlose vertoning in Boekarest.
Afrigter Phil Davies se manne sal wel nie soos Johan Diergaardt- en Jacques Burger-hulle in 2010 die trofee omhoog hou nie, maar sal gewis môre hul toer op ’n hoogtepunt wil afsluit.
Italië is vandeesweek 14de op die wêreldranglys en Namibië 21ste.
Die Italiaanse “jongspan” sal soos dié land se Sesnasies-span voorlangs ’n bul van ’n uitdaging stel. Hulle is immers net met 30-40 deur die Argentynse A-span ondergekry en spog soos Namibië ook met vyf ligapunte danksy ’n vroeër oorwinning teen Uruguay (26-24).
Regstreekse video­stroom van die toernooi word op www.rugbytv.ro vertoon.

KLUBRUGBY
Die naweek se program van wedstryde in die Namibië Rugby-unie premierliga is soos volg:
VANAAND: 20:15 United 1 tn Unam 1 by United
MôRE: 15:15 Rehoboth 1 tn Western Suburbs 1 op Rehoboth; 15:15 Wanderers 1 tn Kudus 1 by Wanderers; 15:15 Walvisbaai 1 tn Dolphins 1 op Walvisbaai.

SKOLERUGBY
Môre in die Momentum onder 19 premierliga is die bepalings soos volg:
11:00 Tsumeb Gimnasium I tn Walvisbaai I op Tsumeb
13:20 HTS I tn Windhoek Gimnasium I by HTS
11:20 WAP I tn Windhoek Gimnasium II by WAP
12:20 Elnatan I tn WHS I op Stampriet (FNB Classic Clash)

Andrew Poolman - Die SWD Arende se bul-agttal en bedrewe agterlyn staan môre breed in die pad van die Windhoek Draught Welwitschias se strewe om voor hul tuisskare ’n vertoning te lewer wat die Namibiërs in ere kan herstel.
Die Suid-Kapenaars het in vanjaar se provinsiale reeks reeds oorwinnings teen die Oostelike Provinsie Kings, die Steval Pumas, die Luiperds en laas naweek ook die Grens Bulldogs behaal.
Die Arende het Vrydagaand op ’n nat Outeniquapark ’n begeesterde span van die Bulldogs met 39-22 geklop (rustyd 10-5).
Die speler van die wedstryd was die SWD-flank Janneman Stander, wat ’n doring met sy kragtige dryfwerk, rotsvaste verdediging en spoed na die afbreekpunte was. Hy is die 22-jarige broer van CJ Stander, Ierland se ysterflank wat laas Saterdag ’n veelbesproke rooi kaart teen die Springbokke gekry het.
Rynhard van As (afrigter) se manne het nog ’n skrale kans om vir die Curriebeker se premierliga te kwalifiseer en sal dus gefokus wees om soos al die spanne voor hulle volpunte teen die Namibiërs te behaal.
Die insluiting van ’n man soos Hansie Graaff op die reserwebank wys hoeveel meer ondervinding die besoekers in die veld stoot. Die Arende is omtrent die vyfde unie wie se trui die veelsydige agterspeler dra.
SWD, wat twee geel kaarte gekry het, sou vandeesweek heelwat oor hul dissipline gepraat het.
Die Namibiërs moes verlede week in Kemptonpark toesien hoe die Valke met 66-5 kringe om hulle hardloop.
Die onervare Welwitschias word dié seisoen gedwing om baie vinnig aan te pas by die hoër tempo wat deur die buurland se provinsiale spanne gespeel word. Wie weet wat kan gebeur as die manne vir ’n slag hul eerste linie van verdediging met doeltreffende duikslae stewig kan hou?
Vir die eerste keer hierdie seisoen kon afrigter John Williams dit regkry om ’n onveranderde beginspan in die veld te stoot. Die enigste veranderinge is onder die reserwes, met die insluiting van Alberto Engelbrecht (in die plek van Grandt Nash), Ignus Tripodi (vervang Tjino Tjirare), Mahco Prinsloo (vir die beseerde Shaun Kaizemi) en Riaan van Zyl (vir Ricardo Swartz).

Windhoek Draught Welwitschias: 15 Justin Nel, 14 Phillip Nashikaku, 13 Leslie Klim, 12 Francois Wiese (kapt), 11 Silvano Beukes, 10 Aurelio Plato, 9 JC Winkler, 8 Joe Hermann, 7 Morné Blom, 6 Zayne Groenewaldt, 5 Muniovito Kasiringua, 4 Wikus Davis, 3 Hauta Veii, 2 Dewald Coetzee, 1 Quintin Esterhuizen.
Reserwes: Johann Wohler, Alberto Engelbrecht, Max Katjijeko, Cameron Klassen, Mahco Prinsloo, Riaan van Zyl, Ignus Tripodi.

SWD Arende: 15 Jacquin Jansen, 14 Lenesteyo Nomdo, 13 Kirsten Heynes, 12 Wilneth Engelbrecht, 11 Daniel Roberts, 10 Martin du Toit (kapt), 9 Johan Steyn, 8 Thor Halvorsen, 7 Lyndon Hartnick, 6 Janneman Stander, 5 Lodewyk Uys, 4 Andries van der Walt, 3 Dean Hopp, 2 Kurt Haupt, 1 Layle Delo.
Reserwes: Brianton Booysen, Nemo Roelofse, Christo du Plessis, Andy Ntsila, Mzoxolo Dyantyi, Thomas Kean, Hansie Graaff.

Die eerste rugbyspan van Privaatskool Elnatan van Stampriet kan môre nog ’n tree vorentoe gee om hom as een van die voorste aanspraakmakers op die Momentum o.19 premierliga te vestig.
Die oranje span uit die suide word môre as die besoekers teen die tweede span van Windhoek Gimnasium opgeweeg.
Gimnasium se eerste span, die kampioenspan van 2014 en 2015 wat deur Ricoh geborg word, was Woensdag op sy tuisveld met 36-10 aan die wenkant teen Walvisbaai Privaat Hoërskool.
Die wenspan se drieë is deur die agtsteman Dylan Farmer (2), flank Darius von Solms, haker Christo Pienaar, stut Sam Kuvare en vleuel Ethan Mouton gedruk. Heelagter Wiks Tromp het met drie van sy doelskoppe geslaag.
Volgens afrigter Vince Dreyer het die binnesenter Chrischen Olivier besonder goed vir Gimnasium gespeel.
• Windhoek Hoërskool het ’n oorwinning met 40-20 teen Windhoek Afrikaanse Privaatskool behaal en het ses drieë teenoor twee gedruk.
Die WHS Koedoebulle se driedrukkers was flank JD Nel, agtsteman Oderich Mouton, skrumskakel Duan Fourie, losskakel André van der Berg, vleuels Warren Ludwig en Elmarco Beukes. Die heelagter Delron Brandt het die kol getref met twee doelskoppe en twee strafdoele.
Windhoek Affies se drieë is deur agtsteman Stefan Hattingh en skrumskakel Jay-C Olivier gedruk. Twee doelskoppe en twee strafdoele deur losskakel Gerswin Mouton het hul totaal op 20 te staan gebring.
Môre se wedstryde in die o.19 premierliga:
12:00 Tsumeb Gimnasium I tn WHS I op Tsumeb
12:10 HTS I tn Walvisbaai I by Hage Geingob-stadion
11:00 WAP I tn Dr. Lemmer I by WAP-veld (Wanderers)
12:30 Windhoek Gimnasium II tn Elnatan I by Windhoek Gimnasium

Andrew Poolman - Die rugbymissie na Kampala was suksesvol, maar Phil Davies en sy afrigterspan sal gewis hoër standaarde in die twee oorblywende Afrikabeker-wedstryde verwag.
As die verdedigende kampioen het Namibië Saterdag sy wegwedstryd teen Uganda met 40-31 gewen, maar die drieëtelling van ses teen vyf getuig dat dit geensins ’n foutlose vertoning was nie.
Op beide die aanval en verdediging het oorhaastigheid aan die Namibiese kant hulle duur te staan gekom. Swak beskerming van balbesit, swak hanteerwerk en foute op die verdeding het gesorg dat die Oos-Afrikane tot laat in die wedstryd nie heeltemal buite rekening was nie.
In die komende tuiswedstryde teen die sterker opposisie van Kenia (16 Julie) en Zimbabwe (6 Augustus) sal hierdie tipe onnodige foute nie bekostig kan word nie.
Ten minste kon Uganda, wat vir 2016 se Afrikabeker uit die 1B- tot die 1A-afdeling bevorder is, nie weer die volslae gunstelinge skok soos in 2007 kort voor die Wêreldbeker nie.
Die Namibiërs was rustyd met 21-12 voor. Die haastige linkervleuel Gino Wilson het in sy tweede toetswedstryd sy eerste twee toetsdrieë gedruk.
Op die regtervleuel het Chrysander Botha ook met een drie in elke helfte sy totaal tot 18 in 39 toetse opgeskuif – meer as enige ander Namibiese speler wat tans aktief is. Botha is nou in sig van Eden Meyer, wie se 21 drieë die tweede meeste ná Gerhard Mans se nasionale rekord van 27 is.
Die buitesenter JC Greyling het ook vir sy sesde toetsdrie deurgenael, terwyl die voorspelers hul oorheersing van die skrums gebruik het om die Suid-Afrikaanse skeidsregter Rasta Rasivhenge te oortuig om ’n strafdrie in die tweede helfte toe te ken.
Losskakel Theuns Kotzé het met vyf uit ses doelskoppe geslaag, benewens sy rol as planmaker in verskeie van die drieë. Hy is reeds Namibië se voorste puntemaker in toetsrugby.
Uganda se agterlyn het heelwat ondernemingsgees gewys en het soms met gans te veel gemak die gate in die verdedigingslyn gevind. Uit vorige ondervinding kan verwag word dat Kenia en Zimbabwe selfs meer spoed en vernuf agterlangs kan hê.
Namibië se motivering vir die 2016-reeks is om weer as die nommer een span te eindig. Dié status sal dan meebring dat hy in 2017 net een wegwedstryd (teen nommer vier) sal moet speel en dus die tuisvoordeel teen Kenia en Zimbabwe as sy voorste uitdagers sal verkry. Die 2017 Afrika-bekerkampioen sal sy regstreekse kwalifikasie vir die 2019 Wêreldbekertoernooi in Japan verseker – ’n volle twee jaar voor die groot skouspel.

Tielman van Lill - Die besoekende Grens Bulldogs van die Oos-Kaap het nou wel 76 punte teen die Welwitschias se 18 opgestapel om in hul kwalifiserende Curriebekerwedstryd in Windhoek te seëvier, maar dit was die tuisspan se positiewe spel wat hul ondersteuners se harte warm gemaak het.
Terwyl die nasionale span in Uganda in ’n toetsstryd gewikkel was, het Namibië se onervare “tweede span” teen die Bulldogs vir lang tye hul man gestaan. Drie drieë in die tien minute wat Russell van Wyk in die koelkas was, het die telling leliker laat lyk as wat dit moes wees.
Sommer baie krediet moet aan hoofafrigter, John Williams, se Windhoek Draught Welwitschias gaan wat daarin geslaag het om twee drieë teen die grommende besoekers te druk.
Indien die Namibiërs hul verdediging en kondisionering op standaard bring, kan hulle ’n krag word om mee rekening te hou. Al manier hoe die plaaslike talent dit kan regkry, is om in hulself te glo, hul natuurlike spel te speel, hul selfvertroue op te bou en hulle nie aan afbrekende kritiek te steur nie. Met geduld en harde werk sal die plaaslike spelers die ondervinding opbou om baie behoorlik rekenskap van hulself te gee.
Namibië se eerste drie deur losskakel Mahco Prinsloo het gekom van druk wat heelagter Riaan van Zyl op die Bulldogs se verdediging geplaas het. Van Zyl het sy eie skop opgevolg en het die bal voor die laaste verdediger opgepik en vir Prinsloo los deurgestuur, tot groot applous van die toeskouers.
As losskakel het die onderskatte Prinsloo gewys dat hy ’n kans verdien om tot wasdom te kom. Hy was telkens onder druk in sy eie doelgebied, maar het koelkop gebly om met goeie lynskoppe vorendag te kom. Sy algemene spel was nie foutloos nie, maar met tyd kan Prinsloo ’n moontlike opvolger vir Theuns Kotzé word.
Hoewel die Welwitschias aan die begin swaar in die skrums gekry het, het die agttal sy man gestaan en nie met hulle laat mors nie. Die veel swaarder pak van die Grens beskik oor goeie skrumtegniek en sak heelwat laer as hul opponente.
Danksy haker Mihlali Mpafi se power ingooiwerk by die lynstane, was die Welwitschias hier beslis baas. Slot Lodewyk Davis het puik gevaar en het al sy ingooie raakgevat. Die Suid-Afrikaner en oud-Griffon was bedrywig in sy algemene spel en op die verdediging was hy ’n tier.
Nadat Van Zyl sover in die reeks as heelagter en vleuel sy aanvallende vernuf in spasie bewys het, het dit dalk tyd geword om dié buksie ook in sy ander posisie – skrumskakel – ’n kans te gee. Met Cameron Klassen en JC Winkler se spel is min verkeerd, maar die Welwitschias kan gewis die X-faktor van Van Zyl se plofkrag van die merk af gebruik om aanvallende geleenthede te skep. Die Wanderers-man het immers minder spasie as bykans enigiemand nodig om ’n nagmerrie vir enige verdediging te wees.
Die Grens Bulldogs, ’n vrugbare teelaarde vir Suid-Afrika se swart spelers, se kondisionering was ooglopend op ’n veel hoër vlak as die plaaslike amateurs s’n. Namibiese spelers skiet op dié gebied ver te kort, maar kan oor ’n jaar of twee op dieselfde peil as hul eweknieë uit Suid-Afrika wees.
Vir die Welwitschias het Van Zyl met twee straf- en een doelskop geslaag, terwyl Prinsloo (37ste minuut) en vleuel Philip Nashikaku (58ste min) een drie elk vir hul span se 18 punte gedruk het.
Vir die Bulldogs het buitesenter en onderkaptein Makazole Mapipi vier drieë ingeryg, terwyl Sonwabiso Mqalo en Athenkosi Khethani twee elk behaal het. Logan Basson, Johannes Jonker, Michael Makase en Nkululeko Ndlovu dra die ander drieë by. Basson slaag met sewe doelskoppe en Masixole Banda met een.

Andrew Poolman - Ondersteuners van FNB Wanderers sal waarskynlik meer geneig wees om die nuwe werkweek met ’n glimlag te begin as wat met Trustco United die geval sal wees.
Beide spanne het Saterdag op hul tuisveld gespeel, maar terwyl Wanderers met 87-0 bo-oor Rehoboth gestorm het, het die Filistyne gestotter om net ’n verloor-bonuspunt teen Kudus te kon byvoeg.
“Ons is gister vernietig deur Wanderers,” het Rehoboth se spanbestuurder Marschell Diergaardt ná hul besoek aan die voorlopers in die NRU premierliga gesê.
“Ter versagting kan ek egter sê dat net Nathan van Wyk, Chase Diergaardt, Hilian Beukes, Paulus Hangula, Eugene Forbes en Godwin Goaseb gereelde eerstespanspelers was. Die res was uit met beserings, siekte, troues en werkverpligtinge.
“Ek is nietemin tevrede met hoe ons klein mannetjies manmoedig tot die einde probeer het om die reuse van Wanderers te keer. Drie tot vier van hulle moes soms aan ’n Wanderers-voorspeler hang. Die wedstryd was steeds in ’n baie goeie gees gespeel en ons wil die Wanderers-spelers bedank dat daar geen geniepsige of vuilspel was nie. (Skeidsregter) Jacky Husselmann het ook die wedstryd baie goed hanteer.”
Met ’n driekuns aan drieë het die regtervleuel Deselvano Beukes, vantevore ’n speler van Rehoboth en Reho Falcon, hom in sy eerste tuiswedstryd aan die ondersteuners van die Wit Hingste bekendgestel.
Beukes het tevore aan die koerant gesê hy sien uit na groot dinge in die Wanderers-trui – ondanks die gesonde kompetisie vir plekke in die agterlyn.
“Reho Falcon was die span wat my loopbaan op sy voete gekry het en ek sal hulle altyd in my gedagtes hou. Wanderers is die beste klub in die land en ek het nie gehuiwer om by hulle aan te sluit nie want hul spelpatroon pas my,” het Beukes gesê.
Linkervleuel Zaynor Platt, ook ’n nuwe gesig by Wanderers, is vars uit die skoolbanke by Windhoek Hoërskool en het ook die naweek ’n drie gedruk. Die ander driedrukkers was senter Janneman Breedt, skrumskakel Enem Kritzinger (2), agtsteman Alberto Engelbrecht (2) en flank Stef Botha, asook die plaasvervangers Wikus Jacobs en Tershwin Raubenheimer (2).
Heelagter Riaan van Zyl was vreemd genoeg afwesig op die lys van driedrukkers, maar tien van sy doelskoppe het deur die pale geseil.

KUDUS KLOP UNITED WEER
Kudus, die besoekers uit Walvisbaai, het vir 80 minute ingeklim om hul wegwedstryd teen United met 18-16 te beklink.
Al die punte in die wedstryd is in die eerste helfte aangeteken.
Toe United ná nege minute met 10-0 voor was, sou die Filistyne waarskynlik gereken het hulle is op koers na ’n oorwinning. In ’n dwarswind wat heeldag gewaai het, het kaptein Winmar Rust eers ’n strafdoel oorgeklits en ook die drie van Martin Cronjé verdoel. Die binnesenter het vanaf ’n vyfmeterskrum ’n vlak aangee van agtsteman Naudé Neethling gevat om tussen die duikvatters deur die doellyn te haal.
Stelselmatig het Kudus egter hul pad terug gewerk totdat hulle op die halfuurmerk die voorsprong met 13-10 geneem het. Twee strafdoele deur hul losskakel Ulratio Lawrence was sekuur, voordat binnesenter Anthony Jevu op ’n kragtige lopie twee verdedigers ingesuig het om die skrumskakel Rayton Paulse met ’n binneaangee los deur te stuur.
Lawrence, wat agterna deur sy afrigter Callie van Wyk geprys is dat hy ondanks sy jeugdigheid reeds die spel takties begin dikteer, het benewens die doelskop ook strafdoele met Rust uitgeruil om die rustydtelling 16-13 te maak.
United, wat sy slot Jandré Lamprecht ná 23 minute met ’n kniebesering verloor het, was weerskante van rustyd ook vir tien minute sonder losskakel Robbie Dickson (geel kaart). Hierdie voordeel is egter later uitgekanselleer toe Kudus se agtsteman Ngumee Nguaiko ook koelkas toe gestuur is.
Met sowat 12 minute oor het United se haker Niël van Vuuren omgedraf pale toe ná ’n binne-aangee van vleuel Nandi Karuuombe, maar die skeidsregter het beslis dit was vorentoe.
Jood Opperman se manne het in die tweede periode met drie of meer strafskoppe binne trefafstand nie daarin geslaag om minstens ’n gelykoptelling af te dwing nie.
Eers het Kudus ’n kosbare lynstaan gesteel; daarna het Rust ’n maklike poging misgeskop en met speeltyd verby het Niël van Vuuren ’n tikskop geneem en vorentoe gestorm, waarvan ook niks gekom het nie.
• Kudus het in April sy tuiswedstryd teen United ook met 14-10 deurgehaak.

SUBURBS BLY OP KOERS
FNB Western Suburbs het hul wegwedstryd teen Walvisbaai met 71-26 beklink en het elf drieë teen vier gedruk.
Met drieë deur Japhet Tjinho (3), Darryl Vries (3), Shanic Saban (2), Egon Cloete, JC Winkler en Linford Oosthuizen het die groen-en-wit streeptruie behoorlik baljaar.
Doelskoppe van Tjinho (5), Saban, Winkler en Roderique Victor het deur die pale geseil.
Afrigter Sergio de la Harpe se span het met dié uitslag in die derde posisie bo United ingeskuif. Beide spanne het 48 ligapunte, maar die Khomasdallers se punteverskil is beter. Heel bo is Wanderers (70) en FNB Unam, wat ná sy afnaweek op 56 bly.
Reho Falcon is vyfde (40), terwyl Kudus in die sesde plek (35) reeds vrede gemaak het dat hy nie soos verlede jaar in die semifinale betrokke gaan wees nie.
• Dolphin het voor die naweek uit sy tuiswedstryd teen Reho Falcon onttrek en die Swakopmunders sal ook nie hul laaste ­wegwedstryd teen Unam kan nakom nie, ­het ­woordvoerders van die klub ­intussen bevestig.

Andrew Poolman - Die Wêreld Studente sewesrugbytoernooi van 2018 kan in Namibië aangebied word nadat besluitnemers positief op dié aanbod gereageer het. Goedkeuring aan die kant van die Namibiese regering is die laaste formaliteit wat hanteer moet word om dit te laat geskied.
Die Tisan sewesspan het ’n goeie indruk gemaak op pad na sy verowering van die plaatkompetisie by die afgelope naweek se wêreldtoernooi vir studente wat in Swansea, Wallis gehou is. Die Namibiese span van afrigter Les Bougard het meer punte en drieë as enige ander span in die toernooi behaal en is geloof vir die flair waarmee hulle op die veld presteer het.
Spelers soos Lesley Klim, Sunday Haitembu en Unomasa Kavita was van die individuele uitblinkers wat navrae van talentsoekers uitgelok het. Die Wêreld Studente sewestoernooi was reeds drie jaar gelede die platform waar Tjiuee Uanivi deur die Franse klub Brive raakgesien is en wat ’n betekenisvolle keerpunt in sy loopbaan meegebring het.
’n Oorwinning Saterdag met 20-0 teen Italië in die plaatfinaal het die Namibiërs in staat gestel om met ’n trofee huiswaarts te keer. Geen doelskop was oor nie, maar met vier drieë teen nul – deur Lesley Klim, Daniel Bock, Max Katjijeko en Unomasa Kavita – het dit nie saak gemaak nie.
Hul voorafgaande wedstryd was ’n sege met 43-7 teen Maleisië. Driedrukkers hier was Unomasa Kavita (2), Chess ­Lawrence, Sunday Haitembu, Lesley Klim, Mbimbo Mbai en Max Katjijeko.
Tisan se vroeër oorwinning met 55-5 teen die Tsjeggiese Republiek was die hoogste telling en hoogste punteverskil van die toernooi.
Die Namibiërs se enigste nederlae in die toernooi was teen die twee ­finaliste, wat ook beide in groep A begin het. Australië het die goue medalje met ’n oorwinning van 24-20 teen Brittanje beklink.
Die Tisan-span se missiehoof, mnr. Werner Jeffery, het agterna gesê dit was die Namibiërs se beste vertoning nóg in hierdie toernooi, waaraan hulle vir die vierde keer deelgeneem het.
“Brittanje kies sy span uit 165 universiteite in Engeland, Wallis en Noord-Ierland. Net so het Australië ook ver meer as 100 universiteite.
“Ons vordering is baie duidelik nadat ons in 2011 in die elfde plek, toe negende in 2013 en twee jaar later sesde geëindig het. As ons byvoorbeeld in die ander groep geloot kon gewees het, sou ons heel waarskynlik in die top vier klaargemaak het. Min mense hier het verwag dat ons so goed sou eindig.”
Jeffery sê sewesrugby kry die minimum aandag in Namibië, ondanks die talent om werklik op die topvlak te kan meeding.
“Ons sal koppe bymekaar moet sit om ’n veel sterker struktuur op die been te bring om sewesrugby na die volgende hoër vlak op te lig. As dit moet beteken dat ons ­universiteite die leiding moet neem om meer sewestoernooie aan te bied, dan is ons oop om daardie pad te volg.”
Die finale stand van die mans se seweskompetisie: 1 Australië, 2 Brittanje, 3 Frankryk, 4 Spanje, 5 Namibië, 6 Italië, 7 Argentinië, 8 Maleisië, 9 Tsjeggië.
Die vrouekompetisie het soos volg klaargemaak: 1 Frankryk, 2 Kanada, 3 Japan, 4 Portugal, 5 Brittanje, 6 Italië, 7 China, 8 Spanje, 9 Nieu-Seeland, 10 Australië.

Andrew Poolman - Renaldo Bothma, Torsten van Jaarsveld en Aranos Coetzee sal afwesig wees wanneer Namibië komende Saterdag sy onoorwonne tuisrekord verdedig teen ’n Kenia-span propvol selfvertroue in hul Afrikabeker 1A-rugbytoets in Windhoek se Hage Geingob-stadion.
Die Keniane het laas naweek hul grootste oorwinning nóg teen Zimbabwe opgestapel toe hulle in Harare met 61-15 aan die wenkant was.
Die Namibiese toetsspan is nog nie aangekondig nie, maar die feit dat Bothma nie deur die Blou Bulle vrygestel is nie, bring mee dat Tjiuee Uanivi beslis as kaptein sal voortgaan. Die lang slot was twee naweke gelede vir die eerste keer die spanleier toe Uganda in Kampala met 40-31 geklop is.
Kenia lyk beslis na die sterkste uitdager vir Namibië se status as kampioen van die Afrikabeker. In verlede jaar se wedstryde (beide tuis) het die Namibiërs met 46-13 verby Kenia gestorm en vir Zimbabwe met 80-6 verneder.
Dit bly egter raadsaam om te onthou dat Saterdag se wedstryd opnuut op ’n skoon blad begin en dat Kenia brand om munt te slaan uit die swak Namibiese verdediging wat in Kampala te sien was. Die Simbas het al oorwinnings teen Namibië in Nairobi (2006) en meer onlangs in 2014 in Madagaskar behaal en die groot mylpaal in Windhoek lyk skielik nie meer so ondenkbaar nie.

‘VERGEET VAN MAKLIK’
Die Namibiese skeidsregter Danie Koen was laas Saterdag ’n vlagman in Harare en sê die Keniane het hom beïndruk.
“Hulle is almal goed gekondisioneer en het ’n baie gedissiplineerde vertoning gelewer. Zimbabwe is baie gestraf vir hoogvatte, of duikvatters wat op die grond nie wegrol nie, of ondersteunende spelers wat van die kant af aansluit.
“Die tuisspan het sy bes probeer op die aanval, maar was nie bestand teen die tempo waarteen Kenia hulle gestraf het vir enige verlore balbesit nie. Kenia het sterk geskrum en hul agterspelers is nie net vinnig nie, maar ook groot. Namibië moenie dink dit gaan maklik wees nie.”
’n Minder opsigtelike faktor wat Koen reken ook in die Oos-Afrikane se guns kan tel, is dat hulle vir die tweede naweek ná mekaar sal weet wat om van die Suid-Afrikaanse skeidsregter Marius van der Westhuizen te verwag.
“Kenia is ook reeds sedert Sondag in Windhoek. Hulle het sommer uit Harare die direkte vlug met Air Namibia hierheen geneem en behoort dus aangepas te wees by die hoogte bo seespieël.”

CURRIEBEKER
Die Windhoek Draught Welwitschias se span is ook bekend wat môre om 16:00 Namibiese tyd op Loftus Versfeld in Pretoria teen die Vodacom Blou Bulle te staan kom.
Die span is (1-15): Schalk Bergh, Petri Burger, Hauta Veii, Alberto Engelbrecht, Lodewyk Davis, Zayne Groenewaldt, Morné Blom, Johan Wohler, Cameron Klassen, Mahco Prinsloo, Malcolm Moore, Francois Wiese (kapt), Phillip Nashikaku, Justin Nel, Riaan van Zyl. Reserwes: Niël van Vuuren, Ignus Tripodi, Johan Luttig, Max Katjijeko, JC Winkler, Shaun Kaizemi, MP Pretorius.

Andrew Poolman - Die krag en spoed van die Pumas eenvoudig te veel vir die Namibiese o.18 rugbyspan in gister se ontmoeting by die Cravenweek vir Hoërskole in Durban.
Tot rustyd was dit nog kompeterend met die Pumas voor op 20-10, maar in die tweede helfte het dié span sy spiere gebult om ’n oorwinning met 51-15 op te stapel.
Teen die Mpumalanga-span se sterker skrum en opskietverdediging was die Namibiërs deurgaans op die agtervoet. Dikwels het hulle probeer om die bal wyd te werk, maar die aangeewerk was besonder onakkuraat en daar was geen teken dat hulle so dodelik op die aanval sou wees as op die eerste dag toe hulle Griekwas deurmekaar gehardloop het nie.
’n Onderskepdrie deur die Namibiese kaptein André van der Berg, dié keer op buitesenter, het sy span in die eerste helfte nog binne trefafstand gehou. Die doelskop deur heelagter Gerswin Mouton, tesame met ’n strafdoel net voor die draaityd, was egter die enigste hoogtepunte.
Dit was eers in die 72ste minuut, met speeltyd verstreke, wat Namibië weer ’n opflikkering kon beleef met ’n drie deur die plaasvervanger Chad Plato, wat deur die binnesenter Chrischen Olivier orgestuur is.
Plato was een van ’n string uitblinkers van twee dae tevore wat op die reserwebank begin het. Die toernooi se regulasie dat elke lid van die spelersgroep ’n volledige wedstryd binne die eerste twee speeldae moet voltooi, het verhinder dat afrigters Henry Kemp en Vince Dreyer meer van die eerste keuse spelers kon opstuur om sake te help beredder.
Die geel kaart waarmee die hardwerkende slot Loandro Erasmus afgestuur is nadat hy ’n opponent van ’n losbal afgestormloop het, het werklik nie soos gevaarlike óf ongeoorloofde spel gelyk nie. Sy tien minute in die koelkas het die Namibiërs verder onder druk geplaas en die Pumas se telling het in dié periode vanaf 10-27 tot 10-51 bykans verdubbel.
Waarskynlik die Pumas se mees onvergeetlike drie is juis in dié tyd aangeteken, toe vaskopstut Dewald Maritz as stormram ’n kort aangee langs sy losskakel van ’n lynstaanbal af gevat het. Van die halflyn af het die bonkige nommer drie merkwaardige spoed en ’n doeltreffende afstamp gewys om die doellyn te haal.
Puntemakers:
Pumas 51: Drieë deur Jaco Joubert (2), Wandile Shabangu, Percy Mkhwanazi, Dewald Maritz (2). Doelskoppe (4) en strafdoele (2) deur Riekert Barnard.
Namibië: Drieë deur André van der Berg en Chad Plato. Doelskop en strafdoel deur Gerswin Mouton.
• Zimbabwe is tradisioneel Namibië se opponent op die laaste speeldag, maar sal gewis nie na dié nie-amptelike “toets” uitsien nie. Zimbabwe is gister met 78-5 afgeslag deur Griekwas, wat teen Namibië met 54-26 oorskadu is.
Gister se ander tellings: Westelike Provinsie oorrompel die Sharks met 60-5; Oostelike Provinsie klop Boland met 37-33; Griffons wen 34-32 teen Grens Platteland.

Von Olaf Mueller, Windhoek

Nach zwei Wochen Pause geht es für die Windhoek Draught Welwitschias heute im Currie Cup weiter. Das Team von Trainer John Williams tritt bei den Vodacom Blue Bulls im Loftus-Versfeld-Stadion in Pretoria an. Dabei wird die Auswahl ab 16 Uhr wieder nur mit einer Ersatzmannschaft antreten.

Auf den Großteil der Mannschaft muss Williams verzichten da diese im Africa Cup zu Werke geht. Dort treffen die Welwitschias am Samstag vor heimischer Kulisse im Hage-Geingob-Stadion auf das Team aus Kenia. Kick-off ist um 15 Uhr.

Das Spiel hat entscheidenden Charakter für die A-Mannschaft, da es um die Qualifikation zur Weltmeisterschaft 2019 geht. Kenias Auswahl wird gestärkt in die Partie gehen, da das Team das letzte Spiel im Wettbewerb gegen Simbabwe (61:15) gewonnen hat. Kenia hat den Cup das letzte Mal im Jahr 2013 geholt, Finalgegner war damals ebenfalls Simbabwe (29:17).

Die Simbas liegen derzeit auf dem ersten Platz vor den Welwitschias in der Gruppe A. Dritter ist das Team aus Uganda vor der Mannschaft aus Simbabwe. Bei einem Sieg der von Phil Davies trainierten Truppe würde diese die Führung der Division A übernehmen

Derzeit haben beide Mannschaften jeweils fünf Punkte nach der ersten Partie des laufenden Wettbewerbs auf dem Konto. Die Welwitschias sicherten sich ihrerseits die fünf Punkte mit dem Sieg gegen das Team aus Uganda (40:31) in Kampala.

Wie der namibische Rugby-Verband (NRU) bekannt gab, wird das Spiel am Samstag ebenfalls live von der Namibian Broadcast Company (NBC) im Fernsehen übertragen. Das letzte Spiel im Africa Cup bestreitet die Davies-Truppe dann am 6. August wieder zu Hause gegen den derzeitigen Tabellenletzten aus Simbabwe.

Mit einem Sieg gegen die Simbas stehen die Chancen für die Welwitschias sehr gut, nicht nur den Titel zu verteidigen, sondern auch als erstes Team den Cup zum dritten Mal in Folge zu holen. Im Ranking liegt Kenia auf dem vierten Rang, Namibia steht vor dem südafrikanischen Amateuren auf Platz eins der Bestenliste.

Übungsleiter John Williams hingegen wird den Wettbewerb des Currie Cup ein wenig nüchterner betrachten. Sein Team wird gegen das Franchise Team der Blue Bulls definitiv nicht als Favorit gehandelt. Im Gegenteil: Die Bullen werden heiß sein, im letzten Spiel vor heimischer Kulisse noch mal alles zu zeigen.

Nach dem Sieg bei den Border Bulldogs (45:26) haben es die Bulls vom anfangs vorletzten Tabellenplatz geschafft, auf Rang sieben zu klettern. Nach oben geht nichts mehr, doch mit einem Sieg ist das Erreichte sicher.

Interessant wird die Partie zwischen der Western Province und den Border Bulldogs werden. Weniger für letztere, aber für den Tabellenzweiten, der bei einem Sieg erstmals in der Saison die Tabellenspitze erobern würde. Der Tabellenführer hat spielfrei und liegt vier Punkte vor den West-Provinzlern.

Bereits seit zwei Spieltagen steht fest, dass die Welwitschias die Vorrunde im Currie Cup als Letzte beenden werden. Das letzte Spiel in der Qualifikation zur Finalrunde um den Currie Cup bestreiten die Welwitschias dann am 23. Juli im Hage-Geingob-Stadion (15 Uhr) gegen den derzeitigen Tabellenzweiten.

Andrew Poolman - Genoeg is op die spel in môre se rugbytoets in Windhoek om te verseker dat beide Namibië en Kenia met niks minder as ’n totale aanslag vorendag sal moet kom nie.
Môre se uitslag sal net ’n indirekte invloed op die wedloop na die 2019 Wêreldbekertoernooi in Japan hê. In die kontinentale kwalifisering sal volgende jaar se Afrikabeker-kampioen sy WB-plek bespreek, maar vanjaar se wenner maak seker dat hy in 2017 net een wegwedstryd (teen span nommer 4) sal hoef te speel.
Kenia kon nog nooit naby aan ’n oorwinning in Windhoek kom nie, maar is vol vertroue dat hulle môre ’n goeie kans staan en lyk gewis na die Welwitschias se grootste uitdaging in die wedloop.
Afrigter Phil Davies het gisteraand sy kerngroep van die afgelope maand behou. ’n Interessante byvoeging op die bank is die flank Christo van der Merwe, wat laasjaar nog die nasionale o.20-span se kaptein was.
Die belowende jongman het vanjaar sy deurbraak tot die Westelike Provinsie se Curriebekerspan gemaak.
Die Namibiese span is: 1 Casper Viviers, 2 Louis van der Westhuizen, 3 AJ de Klerk, 4 Tjiuee Uanivi (kapt), 5 Ruan Ludick, 6 Rohan Kitshoff, 7 Janco Venter, 8 Tinus du Plessis, 9 Eugene Jantjies, 10 Theuns Kotzé, 11 Gino Wilson, 12 Darryl de la Harpe, 13 Johan Deysel, 14 Russell van Wyk, 15 Chrysander Botha.
Reserwes: 16 Gerhard Lötter, 17 Collen Smith, 18 Quintin Esterhuizen, 19 Christo van der Merwe, 20 Leneve Damens, 21 Damian Stevens, 22 JC Greyling, 23 Heinrich Smit.

Wen tien kaartjies
Beantwoord die volgende vraag om kaartjies vir môre se wedstryd tussen Namibië en Kenia in Windhoek
te wen.
Wie is die hoofborg van die Afrikabeker-toets op 16 Julie 2016 in Windhoek?
Skryf die sleutelwoord “RUGBY” vooraan jou SMS, gevolg deur jou antwoord. Stuur jou SMS na 51500 (elke SMS kos N$1). Lesers kan soveel SMS’e stuur as hul wil.
Die lyn sluit om 15:00.

Andrew Poolman - Twee Namibiërs sal vandag aan die kant van die Vodacom Blou Bulle teen hul landgenote van die Windhoek Draught Welwitschias wil wys dat hulle dalk nader aan internasionale gehalte is as wat hulle tot dusver gereken is.
Divan Rossouw (heelagter) en Alcino Izaacs (linkervleuel) het reeds etlike wedstryde dié seisoen in die kwalifiserende reeks vir die Curriebeker saamgespeel.
Vandag se botsing op Loftus Versfeld in Pretoria sal dus vir hulle nie naastenby die nuwe ondervinding wees wat op die Namibiese amateurspan onder kapteinskap van die senter Francois Wiese wag nie.
Die toekomsvisie is dat die provinsiale reeks sal bydra om mettertyd ’n geharde Namibiese span op te bou wat hou vir hou met Suid-Afrika se grotes kan saampraat – soos in die gloriedae toe Gerhard Mans se span van 1988 op Loftus Versfeld met 18-16 teen Naas Botha se Curriebekerkampioenspan verloor het.
Daar is egter geen bewyse om selfs te vermoed dat dié naweek se groepie gereed is naastenby só ’n vertoning te lewer nie.
Die 20-jarige Rossouw het Namibië in die laaste twee jaar op o.20-vlak en voor dit as Cravenweek-speler verteenwoordig. Die oudskolier van Windhoek Gimnasium moet op die langer termyn een van die kandidate wees om die Namibiese nr. 15-toetstrui by Chrysander Botha oor te neem.
Die 22-jarige Izaacs het sy eerste ernstige rugby by Namib High op Swakopmund geleer en het die land van o.16- tot o.19-vlak verteenwoordig, voordat hy drie seisoene by die Sharks se rugby-akademie gespeel en ook ’n paar drieë vir dié unie se Vodacombeker-span gedruk het. Die seun van die voormalige toetsslot Eben se rekord dui daarop dat hy tans een van die mees onderskatte Namibiese spelers op beroepsvlak kan wees.
Die Bulle se afrigter Hendré Marnitz beproef ’n nuwe lostrio teen die span wat onderaan die puntelys is.
Freddy Ngoza begin op agtsteman, terwyl Abongile Nonkontwana van slot af na die kant van die skrum verskuif met Tapiwa Tsomondo in die nr. 6-trui.
Tony Jantjies is ook terug as losskakel en langs hom op binnesenter is die Junior Springbok JT Jackson ingesluit.
Die vleuel Jade Stiglingh, senter Marquit September en skrumskakel André Warner is ook gesoute spelers en die enigste oorblywende lede van die span wat verlede jaar in die Vodacombeker-oorwinning met 44-0 in Windhoek gebaljaar het.
Die Vodacom Blou Bulle (15-1): Divan Rossouw, Jade Stiglingh, Marquit September, JT Jackson, Alcino Izaacs, Tony Jantjies, André Warner, Freddy Ngoza, Abongile Nonkontwana, Tapiwa Tsomondo, Aston Fortuin, Ruben van Heerden, Martin Dreyer, Alandre van Rooyen, Njabulo Gumede.
Reserwes: Jan-Henning Campher, Justin Forward, Eli Snyman, Jsuan-re Swanepoel, Ivan van Zyl, Joshua Stander, Ganfried May.

Andrew Poolman - ’n Belangrike grondslag vir wat ’n relatief pynlose kwalifikasie vir die volgende Wêreldbekertoernooi behoort te wees, is Saterdag in die Hage Geingob-stadion gelê.
Namibië se oorwinning met 56-21 teen Kenia laat lyk dit baie waarskynlik dat afrigter Phil Davies se manne twee tuiswedstryde en net een wegwedstryd (teen span nommer 4) in die 2017 Afrikabekerreeks sal speel.
Volgende jaar se kampioen sal regstreeks tot die 2019 Wêreldbeker in Japan deurdring.
Namibië se beproefde ou wenresep om Kenia te klop, is Saterdag weer foutloos uitgevoer toe dit saakgemaak het. Kaptein Tjiuee Uanivi en sy agttal het vanaf die eerste afskop ’n wurggreep op die besoekers verkry wat eers afgeskud kon word toe dit reeds te laat was.
Dodelike aggressiewe verdediging en die geleerde skopvoet van Theuns Kotzé was die ander bestanddele wat Kenia op 42-0 ná 28 minute skoon uit die wedstryd gehaal het.
Agtsteman Tinus du Plessis het twee drieë in die eerste helfte gedruk en is as die speler van die wedstryd bekroon. Die twee flanke Janco Venter en Rohan Kitshoff sou ewe waardige kandidate gewees het in hul onderskeie rolle om ’n doring in Kenia se vlees te wees.
Spel was nog vir minder as ’n minuut aan die gang, toe die SA skeidsregter Marius van der Westhuizen sy geel kaart aan Kenia se slot Simon Muniafu gewys het. Volgens die blaser was dit ’n siniese oortreding toe hy skrumskakel Eugene Jantjies geduik het, skaars twee treë nadat hy ’n vinnige tikskop geneem het.
Drie minute was verstreke toe kaptein Uanivi die eerste Namibiese drie van die gevolglike lynstaandryf gedruk het.
Op sy 29ste verjaardag het Theuns Kotzé nie een van sy agt doelskoppe vir die dag laat skeef trek nie. Kotzé het sy nasionale punterekord in toetsrugby tot 388 in 33 toetse opgeskuif. Sy taktiese skoppe om Kenia te laat omdraai, het ook deurgaans die druk op die besoekers verplaas.
Die telling het 14-0 geword toe Kenia in die sewende minuut van sy skrumbal afgestoot is. Kotzé en Darryl de la Harpe het hanteer om Chrysander Botha in die linkerhoek oor te stuur vir ’n drie wat die Walvisbaaier op 19 toetsdrieë net twee agter Eden Meyer se tweede plek op die nasionale rekordlys plaas.
Die Namibiese agttal was in ’n onversetlike bui en toe Kitshoff in die 15de minuut ’n lynstaandryf afrond, was die telling gerieflik voor die horlosie (21-0).
’n Hoë skop van Kotzé is teruggewen en deur die hande geneem vir vleuel Gino Wilson om sierlik in die linkerhoek oor te duik (28-0 ná 19 minute).
Tinus du Plessis het die volgende twee drieë ná 24 en 28 minute onder die pale gedruk – eers van agter ’n vyfmeterskrum en toe nadat Janco Venter sy aangee in ’n duikslag weggekry het.
Voor rustyd was daar nog tyd vir Kenia se losskakel Isaac Adino om op die voorvoet ’n verdediger te systap en onder die pale te druk (42-7). Chrysander Botha het ook ’n geel kaart vir ’n oortreding op die grond ná ’n duikslag gekry.
Regtervleuel Russell van Wyk is sowat ses minute ná rustyd op volle vaart weggestuur vir ’n tipiese drie. Tien minute later was Johan Deysel se drie ewe maklik nadat Venter en Kitshoff met stormlope en De la Harpe met vinnige hande vir hom spasie geskep het.
Al die Namibiese reserwes is in die tweede helfte opgestuur, maar die intensiteit kon nie volgehou word nie en die oop rugby het posgevat wat Kenia se kos is. Drie drieë deur hul plaasvervangers James Kangethe, Fabian Olando en Dan Sikuta was die gevolg.

Sportredaksie - Reho Falcon se nederlaag op Walvisbaai het die naweek sy kanse verydel om in een van die topvier posisies in die premierliga van die Namibië Rugby-unie klaar te maak.
Met een rondte oor is dit ’n uitgemaakte saak dat FNB Wanderers en FNB Unam eerste en tweede gaan eindig. FNB Western Suburbs het sy derde plek verseël toe hy die vierde geplaaste Trustco United die naweek geklop het.
Kudus het Saterdag in Narraville twee welverdiende oorwinnings teen die besoekende Reho Falcon behaal, berig Otis Finck.
Die Walvisbaaiers het Falcon I met 29-21 in hul NRU premierliga-wedstryd geklop. Skeidsregter Oscar Lambert het die botsing voortydig beëindig toe spelers die reg in eie hande begin neem het.
Nadat Lambert vroeër drie spelers koelkas toe gestuur het, is in ’n stadium vir die spelers se veiligheid gevrees.
In die erg fisieke wedstryd het Aurelio Plato, heelagter van Kudus, die veld met ’n gebreekte neus in die tweede helfte verlaat en ’n sny aan sy een oogbank het boonop gebloei. Plato is later vir waarneming hospitaal toe geneem.
Die Falcon-stut Deon Pieters het die eerste drie van die dag gedruk toe hy soos ’n stormram oor die doellyn gebars het.
Losskakel Colin de Koe se skop klief die mikke sekuur om die telling tot 7-0 te laat aangroei.
Kudus antwoord met sy eie vyfpunter deur binnesenter Bevan Botha. Plato trek sy skop skeef, maar laat ’n paar minute later sy span met ’n strafskop voorloop (8-7).
Skrumskakel Rayton Paulse lewer sy bydrae met ’n drie en Plato tref weer sekuur om die leiding met 15-7 te neem.
Paulse skep vir vleuel Casio Scoombe ’n kans toe hy die verdediging klop en die bal vorentoe skop. Scoombe volg soos ’n bloedhond op, raap die bal op en duik oor. Plato tref opnuut en skielik loop Kudus met 22-7 voor.
Falcon slaan terug toe flank Toby van Wyk die doellyn oorsteek en met De Koe se doelskop verander die telling na 22-14. Die Rehobothers behou hul momentum toe stut Reginald Araeb hul derde drie aanteken en De Koe verdoel om met net een punt agter die voorlopers se 22 te vorder.
Kudus trap egter vas en werk hul voorryman Mark Nangoro oor die doellyn. Paulse voeg twee punte by en Kudus kan weer asemhaal op 29-21.
Spelers se gevaarlike duikslae en daaropvolgende vuishoue het skeidsregter Lambert egter die eindfluit laat blaas met ongeveer 10 minute speeltyd oor.
• Op Suburbspark het FNB Western Suburbs I ’n waarskuwing voor die semifinale uitgestuur deur vir Trustco United I met 22-17 te uitoorlê.
Vir die Filistyne het kaptein Winmar Rust met vier strafdoele geslaag en vleuel Nandivatu Karuuombe rond hul enigste drie af.
Die Khomasdallers se driedrukkers was Japhet Tjinho, Shaun Kaizemi en Roderique Victor. Alonso Julius slaag met twee doelskoppe en Kaizemi voeg drie punte met ’n netjiese skepdoel by.
• Rehoboth Rugbyklub se tuisoorwinning met 28-19 teen Walvisbaai het nie meer ’n invloed op die halfeindronde gehad nie.
Reserweliga: Kudus II seëvier met 17-14 teen Falcon II.
Vir Kudus II behaal heelagter Zane Williams, vleuels Gerhard Damants en Michael Hummel elkeen ’n drie, terwyl binnesenter Charlton Brussel een doelskop bydra.
Falcon II antwoord met drieë deur Shumile Loubser en voorry Zechner Johr. Senter Curtley Beukes tref met beide doelskoppe.
Trustco United II klop Western Suburbs met 30-20. Die West Coast Sharks kon ook bekostig om punte oor te gee en uit sy wegwedstryd teen Rehoboth II te onttrek.

Namibië het sy deelname aan die o.18 Cravenweek rugbytoernooi in Durban op ’n positiewe noot afgesluit deur Zimbabwe op die laaste speeldag met 34-3 te oorskadu.
Afrigters Henry Kemp en Vince Dreyer se manne het in hul vorige nederlaag teen die Pumas (15-51) van die goeie werk ongedaan gemaak wat in hul openingsege teen Griekwas (54-36) die kollig op hulle geplaas het.
Teen Zimbabwe was Namibië egter in beheer vandat die vleuel Rudi Pretorius die eerste drie ná vier minute gedruk het. Losskakel Gerswin Mouton kon nie verdoel nie, maar die telling het só gebly tot aan die einde van ’n kompeterende eerste helfte.
Die ander vleuel Marco Beukes het ook ’n drie gedruk voordat Zimbabwe tien minute ná rustyd hul enigste strafdoel behaal het.
Vier drieë binne 20 minute het egter die skaal in Namibië se guns geswaai. Losskakel Mouton het ’n driekuns met drieë in die 46ste, 56ste en 64ste minute behaal, voordat Handré Klazinga in die 59ste die buurland se doellyn oorgesteek het. Mouton kon net twee verdoel, maar uiteindelik het dit nie ’n verskil gemaak nie.
• Net twee spanne – die Westelike Provinsie en die Pumas – het vanjaar se Cravenweek onoorwonne afgesluit.
• Die Namibiese uitslae by die afgelope o.18 Akademieweek in Durban: Verloor teen Boland 28-37; klop Rooi Valke 34-15; verloor teen Oostelike Provinsie 17-15.

Andrew Poolman - Die maandelange frustrasie van ’n skorsing uit enige rugbybedrywighede is die voorland van die Namibiese skrumskakel Arthur Bouwer ná sy oënskynlik positiewe toets vir ’n anaboliese steroïed.
Die Namibië Rugby-unie het gister in ’n nuusverklaring bekend gemaak dat ’n nasionale speler gedurende die onlangse Junie-toer na Roemenië ’n positiewe toets vir ’n verbode middel gelewer het, soos in Wêreldrugby se regulasie 21 uiteengesit word.
“Die NRU word nie toegelaat om die speler se naam te verklap nie. Verdere ondersoek sal volg en dissiplinêre optrede sal deur die NRU gedoen word, afhangend van die uitslag van sodanige ondersoek.
“Die Rugby-unie beskou oortredings met verbode middels in ’n ernstige lig en pas geen verdraagsaamheid hiervan in rugby toe nie. Ernstige stappe word gedoen om spelers se bewustheid van verbode middels te vergroot,” sê die NRU-verklaring.
Republikein het egter enkele dae gelede reeds uit ander bronne verneem dat Bouwer die betrokke speler is.
Die opkikkertoets is glo in middel-Junie gedurende die Wêreldrugby Nasiebekertoernooi in Boekarest uitgevoer. Die speler het ’n beheervorm onderteken voordat die monsters na een van WADA se geakkrediteerde laboratoriums in Switserland gestuur is. Die uitslag was positief vir die teenwoordigheid van dehidrochlorometieltestosteroon.
Tot tyd en wyl die saak afgehandel is, bly die speler voorlopig geskors en word nie toegelaat om as lid van ’n span of oefengroep te speel of te oefen nie. Hy mag ook nie ’n afrigter, keurder, wedstrydbeampte, organiseerder, administrateur of promotor van enige georganiseerde rugby-aktiwiteit wees nie.
Volgens Wêreldrugby se rekords het die speler nie oor ’n vrywaringsvorm vir terapeutiese gebruik beskik wat in die behandeling van ’n werklike mediese toestand van toepassing kan wees nie. Derhalwe word sy moontlike oortreding van die opkikkerregulasies ondersoek.
Wêreldrugby se rekords toon ook geen vorige oortreding met verbode middels wat teen die speler aangeteken is nie.
Die 26-jarige Bouwer het sedert Julie 2012 in 15 toetse vir Namibië op die veld gedraf. Sy laaste verskyning was drie naweke gelede in die Afrikabeker-wegwedstryd teen Uganda in Kampala.
Meer inligting oor verbode middels kan aanlyn op keeprugbyclean.worldrugby.org nagespeur word.